Xalq ta`limi vazirligi tomonidan “Yilning eng yaxshi maktab direktori” ko’rik-tanlovining yakuniy bosqichi o`tkazildi.  Tanlovda barcha hududlardan saralab olingan 28 nafar maktab direktorlari qatnashdi.
Mazkur tanlov Xalq ta`limi vazirligi tomonidan eng ilg`or maktab direktorlarini aniqlash va ularning tajribasini ommalashtirish maqsadida tashkil etiladi. Tanlovda kamida 3 yil direktorlik ish tajribasiga ega, mehnat jamoasi o’rtasida obro’li, maktabda sog’lom muhitni yarata olgan, keyingi 3-5 yil davomida jamoasi muayyan natijalarga erishgan, o’z kasbiga fidoiy, sadoqatli, kompetentli, ijodkor, tashabbuskor bo’lgan maktab direktorlari ishtirok etishi mumkin.
Joriy yilda respublika miqyosida  jami 552 nafar maktab direktori o’zlarining “Kelajak maktabi” konsepsiyasi orqali ushbu tanlovning ilk bosqichida qatnashdi. Konsepsiyalar hakamlar hayati tomonidan ko’rib chiqildi va har bir viloyatdan 4 nafardan direktorlar saralab olindi. Mazkur saralab olingan direktorlarning maktablari o’rganib chiqildi. O’rganishlar natijasi asosida har bir viloyatdan 2 nafardan maktab direktori ko’rik-tanlovning yakuniy bosqichida ishtirok etish huquqini qo’lga kiritdi. 
Ko’rik-tanlovning yakuniy Respublika bosqichida qatnashgan 28 nafar maktab direktori hakamlar hay’ati tomonidan uch tur bo’yicha baholandi. Bular:
1.Dars tahlil qilish;
2.Pedagogik kengashga tayyorgarlik ko’rish va o’tkazish;
3.“Kelajak maktabi” konsepsiyasi taqdimoti.
3 tur natijalariga ko’ra har bir viloyatdan g’oliblikni qo’lga kiritgan maktab direktorlari e’lon qilindi. G’oliblarga Xalq ta’limi vazirining “Yilning eng yaxshi maktab direktori” 1-darajali diplomi, “Xalq ta’limi a’lochisi” ko’krak nishoni hamda eng kam oylik ish haqining 9 baravari miqdorida pul mukofoti berildi. 
Quyida “Yilning eng yaxshi maktab direktori” ko’rik-tanlovining g’oliblari bilan tanishasiz: