O‘zbekiston Respublikasi Prezidentining “O‘zbekiston Respublikasi davlat mustaqilligining yigirma to‘rt yillik bayramiga tayyorgarlik ko‘rish va uni o‘tkazish to‘g‘risida” gi qarori ijrosini  ta’minlash maqsadida barcha umumta’lim maktablarida “Betakrorimsan, yagonasan, ona Vatanim – O‘zbekistonim” shiori ostida mustaqillik darslari tashkil qilinadi.

Mazkur darslarda mustaqillikning 24 yili davomida yurtimizdagi barqaror, tinch va osuda hayot, jamiyatimizdagi o‘zaro hurmat, mehr-oqibat va bag‘rikenglik kabi oliyjanob fazilatlarni, “Biz kecha kim edigu, bugun kim bo‘ldik?” degan hayotiy haqiqatni asosiy va bosh g‘oya sifatida dars jarayonida davra suhbati orqali har bir o‘quvchiga batafsil tushuntiriladi.

Shuningdek, ushbu darsda o‘quvchi-yoshlarga  respublikamizda mustaqillik yillarida amalga oshirilgan islohotlar, erishilgan yutuq va marralar dunyo hamjamiyati tomonidan keng e’tirof etilayotgani aniq misollar bilan ko‘rsatib berilishi ko‘zda tutilgan.

Quyida siz ta`lim muassasalarida mustaqillik darsini tashkil etish bo‘yicha uslubiy tavsiya, dars ishlanmasi va taqdimotni yuklab olishingiz mumkin.

Xalq ta’limi vazirligi
Axborot xizmati